අවශ්‍ය දේවල්:
- අලිගැට පේර ගෙඩි 1
- තක්කාලි ගෙඩි 1
- බී ළුණු ගෙඩි 1/2
- දෙහි යුෂ ටිකක්
- ලුණු පොඩ්ඩක්
- පොඩියට කපාගත්ත පාස්ලි මේස හැදි 2
සාදාගන්නා ආකාරය:
- මුලින්ම අලිගැට පේර ගෙඩිය අරගෙන පොත්ත අයින් කරලා කොටු හැඩයට කපාගන්න.
- ඊට පස්සෙ තක්කාලි ගෙඩියත් අරගෙන පොඩි කොටු වගේ හැඩයට කපාගන්න, ඒ වගේම ළුණු ගෙඩියත් අරගෙන හීනියට කපාගන්න.
- ඊළගට ටිකක් ලොකු භාජනයක් අරගෙන මේ සේරම ටික ඒකට දාන්න. පාස්ලි පොඩ්ඩක් ඉතුරු කරගෙන පස්ලි ටිකත් දාන්න.
- ඒකට ලුණුයි, දෙහියිත් පොඩ්ඩක් දාගෙන සේරම ටික හොදට කලවම් කරගන්න ඕනෙ දැන්. ලුණුයි, දෙහියි දානකොට රස බලලා ඔයාලගේ රස අනුව දාගන්න.
- දැන් අන්තිමට අර ඉතුරු කරගත්ත පාස්ලි ටිකත් උඩින් ඉහගන්න.
- ඔච්චරයි! ඔන්න ඔච්චරයි කරන්න තියෙන්නෙ. කෑමට ගන්න කන් ෆ්‍රිජ් එකේ දාලා තියලා ගන්න. හැබැයි ෆ්‍රිජ් එකේ දාලා තියනකොට ලන්ච් ෂීට් එකකින් හරි මොකක් හරි එකකින් වහලා තියන්න අමතක කරන්න එපා හොදේ..
පොටෝ ටිකත් බලන්නකෝ..
මේ තියෙන්නෙ අපිට මේ සැලඩ් එක හදන්න ඕනෙ වෙන දේවල්.
ඔක්කොම දේවල් ටික එකට දාලා හොදට කලවම් කරගන්න.
මේ එහෙම කලවම් කරගත්තට පස්සෙ.
දැන් ඉතින් කෑම මේසයට යවන්න තමයි තියෙන්නෙ.
මේ ලිපිය ඉවුම් පිහුම් ඇප් එක වෙනුවෙන් සයුරි මිතුරිය විසින් සිංහලට කරපු පරිවර්තනයක්. එයා මුල් ලිපිය ලබාගෙන තියෙන්නෙ tasty.co වෙබ් අඩවියෙන්.
