අවශ්‍ය දේවල්:
- ග්‍රේට් කරගත් කැරට් 500g
- මිල්ක්මේඩ් ලොකු ටින් 1/2
- කරදමුංගු කුඩු තේ හැඳි 1/4
- ගී තේ හැඳි 1 1/2 (භාජනයේ තැවරීමට වෙනම තේ හැන්දක් තියාගන්න.)
- කජු සහ වියලි මිදි මිටක්
සාදාගන්නා ආකාරය:
- මුලින්ම භාජනයක් අරගෙන ඒකෙ අඩියට ගී ටික තවරා ගන්න.
- ඊට පස්සෙ ඒකට කැරට් සහ මිල්ක්මේඩ් ටික එකතු කරගන්න.
- ඊට පස්සෙ ඒක සාමාන්‍ය ගින්දරේ ලිපේ තියලා විනාඩි 2,3ක් පිස ගන්න ඕනෙ. ලිප අඩුම කර කැරට් ටික පිසෙන තුරු පියනකින් වසා විටින් විට මිශ්‍ර කරමින් පිස ගන්න ඕනෙ.
- කැරට් ටික මෙලෙක් වුනාට පස්සෙ ඒකට ගී එකතු කරලා කරදමුංගු කුඩුත් එකතු කරලා තෙත ගතිය හිඳෙන තුරු හැදි ගාමින් ලිප තියාගන්න.
- අන්තිමට ලිපෙන් ඉවත් කිරීමට විනාඩි දෙකකට පමණ පෙර කජු සහ වියලි මිදි එක් කර මිශ්‍ර කරගන්න විතරයි තියෙන්නෙ. එච්චරයි!
හදලා බලන්නකෝ එහෙනම් ඔයාලත්.
මේ ලිපිය උපුටා ගැනීමක්. ලිපිය ලබාගත්තේ aniwa.lk වෙබ් අඩවියෙන්.
