"...ඔන්න මම තව කෑමක් අරගෙන ආවා. මේක ඉන්දියන් කෑමක් කීවොත් හරි. මේකෙ නම තමයි "Milk Powder Barfi". මේක අපි බොන පිටි කිරි පාවිච්චි කරල හදන රස කෑමක්..."
- දිය කරගත් ගිතෙල් මේස හැදි 3
- කිරි කෝප්ප 1/2
- පිටිකිරි කෝපප 1 1/2
- පවුඩර් සීනි කෝප්ප 1/2
- කරදමුංගු පින්චක්
- තව කෑලි කපාගත්තු කජු ටිකක්
සාදාගන්නා ආකාරය:
- මුලින්ම අඩිය අල්ලන්නෙ නැති වලදක් ලිපේ තියාගන්න. ඒකට දාගන්න ගිතෙල් මේස හැදි 3.
- ඊට පස්සෙ ඒකටම කිරි ටිකත් දාගන්න.
- ඒත් එක්කම පිටි කිරි ටිකයි, සීනි ටිකත් දාගෙන අඩු ගින්දරේ හොදට හැදි ගාන්න.
- වලදෙ කිසිම දෙයක් වටේ නැති වෙලා මිශ්‍රණය එක ගුලියකට එනකම් දිගටම හැදි ගාන්න.
- ඊට පස්සෙ බටර් ගා ගත් තැටියකට දාලා තුනී කරගෙන ඊට උඩින් කජු ටිකත් දාලා හැන්දකින් ඒ කජු ටික ටිකක් ඇතුලට ඔබ්බවා ගන්න.
- ඊට පස්සෙ නිවුනට පස්සෙ කෑලි කපල කන්න තමයි තියෙන්නෙ. හවස තේ වෙලවට නම් කියාපු කෑමක්!
පොටෝ ටිකත් බලන්නකෝ..
මේ කිරියි, පිටි කිරියි, සීනියි දාගෙන අඩු ගින්දරේ මිශ්‍රණය හදාගෙන යන ගමන්. උඩ "සාදාගන්නා ආකාරය" යටතේ තියෙන පියවරවල් ටික කියවපුවහම ඔයාලට මේ ෆොටෝ එකේ තියෙන පියවරවල් ටික ටක්ගාලා තේරෙයි.
මේ ඊට පස්සෙ මිශ්‍රණය එක ගුලියකට එනකම් දිගටම හැදි ගාගෙන.
මේ අන්තිමට තැටියකට මිශ්‍රණය දාලා (මේ තැටියේ බටර් ගා ගන්නවා වෙනුවට තෙල් කඩදාසියක් දාගෙන තියෙන්නෙ.) තුනී කරගෙන ඊට උඩින් කජු ටිකත් දාලා හැන්දකින් ඒ කජු ටික ටිකක් ඇතුලට ඔබ්බවා ගෙන නිවුනට පස්සෙ කෑලි කපාගෙන.
වැඩ ඔක්කොම ඉවරයිනෙ. දැන් ඉතින් කන්න තමයි තියෙන්නෙ.. හවස තේ වෙලවට නම් කියාපු කෑමක්!
ලිපිය ලිව්වේ චම්පා දුලාංජනී මිතුරිය. අපේ මිතුරියත් ඔයාලා වගේ ඉවුම් පිහුම් ඇප් එක බලන මිතුරියක්. ඇයට බොහොම ස්තූතියි නේද අපිට මේ විදිහට රසම රස කෑමක් හදාගන්න විදිහ කියලා දුන්නට? බොහොම ස්තූතියි චම්පා මිතුරියට!
