අවශ්‍ය දේවල්:
- සෝදා දිය බේරාගත් හාල් කප් 4
- කපාගත් තක්කලි ගෙඩි 4
- කපාගත් රතු පාට බෙල් පෙපර් 2
- හීනියට ගා ගත්ත කැරට් ගෙඩි 4 (සාමන්‍ය ප්‍රමාණයේ)
- කපාගත් ලූනු ගෙඩි 2ක්
- වියලි මිරිස් කරල් 4
- තලාගත් සුදු ලූනු බික් 8
- තෙල් හෝ බටර්
- එලවලු තම්බා ගත් වතුර අවශ්‍ය පමණ
- ලුණු
සාදාගන්නා ආකාරය:
- තෙල් හෝ බටර් රත් වෙන්න තබා එයට බෙල් පෙපර්, සුදු ලූනු, තක්කලි සහ වියලි මිරිස් එක් කර මිශ්‍ර කරගන්න.
- මෙම මිශ්‍රණය නිවෙන්නට හැර බ්ලෙන්ඩරයක දමා අඹරාගන්න.
- වෙනම බඳුනක බටර් ටිකක් රත් වෙන්න තබා එයට ලූනු එක් කර රන්වන් පැහැ වන තෙක් බැද එයට සහල් එක් කර තෙම්පරාදු කරගන්න.
- අඹරාගත් මිශ්‍රණය සහල් වලට එක් කර එයට කැරට් සහ එලවලු තම්බාගත් වතුර එක් කර අවශ්‍ය පමණට ලුණු එක් කර බත් පිසගන්න. එච්චරයි! වැඩේ ඉවරයි.
ගොඩක් අයටනම් මේ මොනවාද කියලා අමුතුවෙන් කියන්න ඕනෙ නෑනෙ නේද? ඉවුම් පිහුම් ඇප් එකේ තියෙන ගොඩක් කෑම වලට අපි මේවා පාවිච්චි කරලා තියෙනවානෙ. මේ තියෙන්නෙ බෙල් පෙපර්. මේවා සුපර් මාකට් වල එහෙම ගන්න තියෙනවා.
හදලා බලන්නකෝ එහෙනම් ඔයාලත්.
මේ ලිපිය උපුටා ගැනීමක්. ලිපිය ලබාගත්තේ aniwa.lk වෙබ් අඩවියෙන්.
