"...පාන් වලින් පුඩින් හදන විදි කීපයකම ඇප් එකේ තියෙනව. ඒ උනාට පොඩ්ඩක් නිකන් මේකත් උත්සහ කරල බලන්නකෝ... හරි ඔන්න එහෙනම් හදන්න ඕන දේවල් ටිකයි. හදන විදිහයි."
- පාන් පෙති 10-12
- දිය කරගත් බටර් මේස හැදි 5
- බිත්තර 3
- කිරි 250ml
- සීනි කෝප්ප 1
- වියලි මිදි කෝප්ප 1/4
- කජු 1/4 (කැමති නම් ටිකක් වැඩියෙන් ගත්තත් කමක් නෑ)
- සාදික්කා කුඩු මේස හැදි 1/4
- වැනිලා තේ හැදි 1
සාදාගන්නා ආකාරය:
- මුලින්ම පාන් වල වාටි අයින් කරගන්න.
- ඊට පස්සෙ ටිකක් ලොකු බෝල් එකක් වගෙ එකක් (භාජනයක්) අරගෙන ඒකට ඒ ටික දමා ගෙන අතින් හොදට පොඩි කෑලි වෙන්න පොඩි කරගන්න.
- ඊට පස්සෙ එකට දිය කරගත් බටර්, කිරි, බිත්තර, සීනි, සාදික්කා කුඩු පිලිවෙලට එකතු කරගන්න.(අත් දෙක හොදට පිරිසිදු නම් අතින් කවලම් කරාට කමක් නෑ)
- ඒ හැමදේම දාලා හොදට කවලම් කරගත්තට පස්සෙ වැනිල ටිකත් එකතු කරගන්න.
- ඊට පස්සෙ බටර් ගා ගත්තු තැටියකට ඒ මිශ්‍රණයට දාගන්න. කැමතිනම් මිශ්‍රණයට උඩින් කජු, වියලි මිදි එහෙම දාගන්නත් පුලුවන් ඔයාලට.
- ඊලගට විනාඩි 30-45 වගේ වාශ්පයෙන් තම්බගන්න. වැඩේ ඉවරයි. එච්චරයි! පුඩින් එක තැම්බුණාට පස්සෙ ඔයාලට කෑමට ගන්න පුලුවන්..
පොටෝ ටිකත් බලන්නකෝ..
මේ තියෙන්නෙ පාන් වල වාටි අයින් කරන් පොඩියට කපාගත්ත පාන්.
පාන් ටික මේ වගේ හොදට පොඩි කරගන්න ඕනෙ.
මේ පුඩින් මිශ්‍රණය හදාගෙන යන ගමන් (තාම කිරි ටික නම් මේකට දා ගෙන නෑ)
කැමතිනම් කජු ටිකත් මිශ්‍රණයටම දා ගන්න පුලුවන්.
මේ ඔය ඔක්කොම දේවල් කරලා හදාගත්ත පුඩින් මිශ්‍රණය.
තැටියක් ඇරගෙන ඒක මේ වගේ බටර් ගා ගෙන සූදානම් කරගන්න.
ඊට පස්සෙ ඒකට පුඩින් මිශ්‍රණය දා ගෙන කැමතිනම් මිශ්‍රණයට උඩින් කජු, වියලි මිදි දාගන්න. ඊට පස්සෙ තැම්බෙන්න තියාගන්න.
මේ තියෙන්නෙ ඔය ඔක්කොම දේවල් කරලා හදාගත්ත අපේ පුඩින් එක තැම්බුණාට පස්සෙ. දැන් ඉතින් ඔයාලට කෑමට ගන්න පුලුවන්.
ලිපිය ලිව්වේ චම්පා දුලාංජනී මිතුරිය. ඇයට බොහොම ස්තූතියි නේද අපිට මේ විදිහට පාන් වලින් රසම රස පුඩිමක් හදන විදිහ කියලා දුන්නට? බොහොම ස්තූතියි චම්පා මිතුරියට!!
