අවශ්ය දේවල්:
- පාන් රාත්තලක මැද කොටස
- කල්කිරි 500ml බෝතලයක්
- රටඉඳි 250g (ඇට ඉවත් කරගන්න)
- බිත්තර 8
- ලුණු චුට්ටක්
- සීනි රස අනුව
සාදාගන්නා ආකාරය:
- පාන් මැද කොටස පොඩියට අතින් කඩාගෙන පසෙකින් තියාගන්න.
- බිත්තර වෙනම භාජනයකට කඩල දාගෙන කහමදය අයිනෙ තියෙන අර සුදුපාට කොටස ඉවත් කරගන්න. (පිළී ගඳ නොඑන්න පොඩි ටිප් එකක් මේක.)
- බිත්තර වලට කිරි, සීනි සහ ලුණු එකතු කරගෙන බ්ලෙන්ඩ් කරගන්න. මේකට රටඉඳි ටික කුඩාවට කපල දාල කලවම් කරගන්න.
- දැන් මේ කිරි සහ බිත්තර මිශ්රණය කඩාගත්තු පාන් වලට දාල පාන් ටික හොඳින් පෙඟෙනකම් කලවම් කරගන්න.
- බටර් තවරාගත්තු බෝල් එහෙකට මේ මිශ්රණය දාලා ෆොයිල් එකකින් කවර් කරල ස්ටීම් කරගන්න විනාඩි 45ත් පැයත් අතර කාලයක්.
- බේක් කරනව නම් අවන් ට්රේ එකට වතුර ටිකක් දාල පුඩින් භාජනේ ඒකෙන් තියල සෙල්සියස් 200ට පෙර රත් කරන ලද උඳුනක විනාඩි 45ක් බේක් කරගන්න.
වැදගත්:
- කැමති නම් රටඉඳි වෙනුවට වියලි මිදි, කජු වගේ කැමති දෙයක් පාවිච්චි කරන්නත් පුළුවන්. මේ මුකුත් නොදාම හදන්නත් පුළුවන්.
මේ ලිපිය උපුටා ගැනීමක්. ලිපිය ලබා ගත්තේ aniwa.lk වෙබ් අඩවියෙන්.