අවශ්ය දේවල්:
- ජෙලටින් 10g
- නාරං ගෙඩියක යුෂ
- දොඩම් ගෙඩි 2ක යුෂ
- සීනි 125g (රස අනුව අඩු වැඩි කර ගන්න පුළුවන්.)
- ප්ලේන් යෝගට් (Plain Yogurt) අඬු කෝප්ප 2 ½
- මී කිරි (Curd) අඬු කෝප්ප ½
- කහ පාට කලරින් (Yellow Food Coloring) තේ හැදි 1 (කැමති නම් පමණක්)
- වැනිලාතේ හැදි 2
- මාරි බිස්කට් 150g
- දිය කර ගත් බටර් මේස හැදි 4
- උණු වතුර අඬු කෝප්ප ¼
- උකු කළ ටින් කිරි (Condensed milk- මිල්ක්මේඩ් වගේ ඒවා) මේස හැදි 6ක් ගන්න. (මේස හැදි 3 ගානේ වෙන වෙනම)
සාදා ගන්නා ආකාරය:
- මුලින්ම ජෙලටින් ටික උණු වතුර ටිකේ දිය කර ගෙන නිවෙන්න තියලා ශීතකරණයට දලා ටිකක් සෙට් වෙන්න තියන්න.
- පසුව නාරං යුෂ, දොඩම් යුෂ, සීනි ටික හා ශීතකරණයේ දාලා සෙට් කර ගත්ත ජෙලටින් එකට දා ගෙන හොඳින් බීට් කර ගන්න.
- ඉන් පසුව යෝගට් ටිකට, මී කිරි, වැනිලා, උකු කළ ටින් කිරි මේස හැදි 3 ක් සහ කහ පාට කලරින් දා ගෙන හොඳින් මිශ්ර වෙනකන් ටිකක් බීට් කර ගන්න ඕනේ. (ගොඩක්ම බීට් කරන්න එපා.)
- ඊළඟට බීට් කර ගත් මිශ්රණයට, යෝගට් මී කිරි මිශ්රණය දාලා හොඳින් හැන්දකින් කලවම් කරන්න.
- දැන් මාරි බිස්කට් ටික ග්රයින්ඩරේකට දාලා හොදට කුඩු කර ගන්න.
- එයටම දිය කර ගත්ත බටර් සහ උකු කළ ටින් කිරි මේස හැදි 3 ක් දාලා හොදට මිශ්ර කර ගන්න.
- පස්සේ පුඩිං එක හදා ගන්න භාජනේ පතුලට බිස්කට් කුඩු මිශ්රණය දාලා සමතලා වන විදියට තද කරන්න.
- ඊට පස්සේ කලින් හදා ගත්ත යෝගට් මී කිරි මිශ්රණය එයට දා ගෙන ශීතකරණයේ සෙට් වෙනකන් පැය 2 - 3ක් පමණ තියා ගෙන කැමති විදියකට සරසලා පිළිගන් වන්න.
වැදගත්:
- කැමති නම් දොඩම් වෙනුවට, ලෙමන් වුණත් පාවිච්චි කරලා මේ පුඩිං එක හදා ගන්න පුළුවන්.
මේකේ පෙනුම වගේම තමයි, හරිම රසයි මේ පුඩිං එක.