හදමුද සියඹලා චට්නියක්? මේක ටිකක් වෙනස් චට්නියක්, ඒ කියන්නේ පැණි රස තරමටම ඇඹුල් රසත් තියෙන අපි හැමදාම හදන චට්නි වලට වඩා ටිකක් වෙනස් විදියේ චට්නියක්. සියඹලා එහෙම තියෙනවනම් හොයාගන්න, මේක හදන්නෙ නැතුව ඉන්නවා එහෙම නෙමෙයි ඕන්!
අවශ්ය දේවල්:
- සියඹලා 750g
- රටඉඳි 500g
- සීනි 500g
- අබ තේ හැදි 2 ½
- වියළි මිරිස් කරල් 12-15ක් පමණ
- අඟල් 1 ½ ක පමණ ඉඟුරු කැබැල්ලක්
- සුදුලූණු බික් 4-5ක්
- විනාකිරි 450ml
- ලුණු (රස අනුව)
- ගම්මිරිස් කුඩු ස්වල්පයක්
සාදා ගන්නා ආකාරය:
- මුලින්ම රටඉඳි වල ඇට ඉවත් කර සෝදා කුඩා කෑලි වලට කපා ගන්න.
- පසුව අබ, ඉඟුරු, සුදුලූණු සහ වියළි මිරිස් කරල් වලට විනාකිරි වලින් ටිකක් එකතු කර හොඳින් අඹරා ගන්න. (නැත්නම් බ්ලෙන්ඩර් කර ගන්න.)
- ඉන් පසුව ඉතිරි විනාකිරි වලින් ටිකක් සියඹලා වලට දමා ගෙන සියඹලා බොරය සම්පූර්ණයෙන්ම විනාකිරිවල දිය කර ගෙන ඇට හා පොතු පෙරා ගෙන ඉවත් කර ගන්න.
- දැන් සුදුසු භාජනයක් මද ගින්නේ ලිප තබා එයට ඉතිරි විනාකිරි ඔක්කොම දමා ගන්න.
- විනාකිරි රත් වී ගෙන එන විට එයට සීනි ටික, රස අනුව ලුණු සහ රටඉඳි ටික එකතු කරන්න.
- සීනි හොඳින් දිය වී නටා ගෙන එන විට එයට සියඹලා බොර ටික එකතු කර හොඳින් හැදි ගාමින් ටික වෙලාවක් පිස ගන්න.
- පසුව එයටම අඹරා ගත් බ්ලෙන්ඩර් කර ගත් මිශ්රණය සහ ගම්මිරිස් කුඩු එකතු කර නොනවත්වා හැදි ගාමින් චට්නිය හොඳින් උකු වන තුරු පිස ගන්න.
- නිවුනු පසුව පිරිසිදු වීදුරු බෝතලයකට දමා ගන්න.
වැදගත්:
- මැටි වලදක් සහ පොල් කටු හැන්දක් පාවිච්චි කරන්න පුළුවන් නම් වඩාත් හොදයි.
- සීනි සහ විනාකිරි ප්රමාණය ඔබේ රස අනුව අඩු වැඩි කර ගත හැකියි.
- මෙය ශීතකරණයකින් තොරව සති 2ක් පමණ කල් තබා ගන්න පුළුවන්.
මේ තියෙන්නෙ අපි හැමෝම දන්න සියඹලා.