අවශ්ය දේවල්:
- මී කිරි 500ml
- සිහින්ව ලියා ගත් රතු ලූණු 100g
- අඟල් 1/4ක පමණ ඉඟුරු පෙත්තක්
- සිහින්ව කපා ගත් අමු මිරිස් කරල් 5-6ක්
- කෑලි වලට කඩා ගත් වියළි මිරිස් කරල් 2-3ක්
- කහ කුඩු ස්වල්පයක්
- අබ ඇට තේ හැදි ¼ ක්
- ලුණු දෙහි කැබැල්ලක් (කැමති නම් පමණක්)
- උළුහාල් කුඩු ස්වල්පයක්
- කරපිංචා කොළ
- වතුර (අවශ්ය පදමට)
- ලුණු (රස අනුව)
- තෙල් ස්වල්පයක්
සාදා ගන්නා ආකාරය :
- මුලින්ම මීකිරි ටික හැන්දකින් මදක් ගසා ගෙන ඔබට අවශ්ය ඝනකම ලැබෙන සේ වතුර එකතු කර හොඳින් මිශ්ර කර පසෙකින් තබා ගන්න.
- දැන් භාජනයක් සාමාන්ය ගින්දරේ ලිප තබා එයට තෙල් දමා ගෙන රත් කරන්න ගන්න.
- තෙල් රත් වී ගෙන එන විට එයට අබ ඇට දා ගෙන අබ පුපුරා ගන්න.
- අබ පිපිරූ පසුව එයට උළුහාල් කුඩු, වියළි මිරිස්, රතු ලූණු, ඉඟුරු, අමු මිරිස් සහ කරපිංචා කොළ එක් කර විනාඩි 2 - 3ක් පමණ බැදෙන්න හරින්න.
- ඉන් පසුව එයට රස අනුව ලුණු සහ කහ කුඩු එකතු කරන්න.
- එයටම ලුණු දෙහි කැබැල්ල ද එකතු කරන්න. (ඔබ කැමති නම් පමණක්)
- දැන් ලිපේ ගින්දර අඩු කර එයට මී කිරි මිශ්රණය එකතු කර හොඳින් නොනවතවා හැදි ගාමින් විනාඩි 5 - 7ක් පමණ මද ගින්නේ මෝරු රත් වන තුරු පිස ගෙන ලිපෙන් බාන්න. (නටවා ගන්න එපා, ටිකක් රත් වුනාම ඇති.)
වැදගත්:
- මේ සඳහා මී කිරි (Curd) වෙනුවට ප්ලේන් යෝගට්(Plain yogurt) වුවත් භාවිතා කළ හැකියි.
- එමෙන්ම මී කිරි හෝ ප්ලේන් යෝගට් භාවිතා නොකර මෙය බටර් මිල්ක් (Butter milk) යොදා ගෙන සාදා ගත හැකියි. (එවිට වතුර එකතු කරන්න එපා.)
- කැමති නම් සීනි ස්වල්පයක් ද එකතු කර ගන්න පුළුවන්.
- මෙය සාදා ගැනීමේන් අනතුරුව දවස් 3ක් පමණ ශීතකරණයේ තබා ගෙන ආහාරයට ගන්න පුළුවන්.
- ඔබ මෙයට භාවිතා කරන මී කිරි / ප්ලේන් යෝගට් / බටර් මිල්ක් අනිවාර්යයෙන්ම කාමර උෂ්ණත්වයේ තිබිය යුතුයි. (එහෙම නැතනම් රත් කරන කොට ඉක්මනින් කැටි ගැහෙන්න පුළුවන්.)