අවශ්ය දේවල්:
මේ ටික ඕන ඉස්සරවෙලාම,
- එකම තරමේ මාළුමිරිස් කරල් 12
- විනාකිරි බෝ. 1/4 පමණ
- ලුණු
- හොඳින් පැසුණු ගස්ලබු ග්රෑම් 150 ගෙඩියක්
- අබ තේ හැඳි 1/2
- ඉඟුරු කැබැල්ලක්
- සුදු ළුණු බික් 1ක්
- මිරිස් කුඩු තේ හැඳි 1 1/2
අබ මිශ්රණය සඳහා අවශ්ය දේවල්:
- අබ මේස හැඳි 2 1/2
- ඉඟුරු කැබැල්ලක්
- සුදු ළුණු බික් 3ක්
- මිරිස් කුඩු තේ හැඳි 1 1/2
- කහ ස්වල්පයක්
- ගම්මිරිස් තේ හැඳි 1/2
- විනාකිරි බෝ. 1/2
- සීනි තේ හැඳි 2ක්
සාදාගන්නා ආකාරය:
- මුලින්ම සීනි හැර අබ මිශ්රණය සඳහා යොදාගන්නා සියල්ල විනාකිරි ටිකකින් අඹරා අබ මිශ්රණය සාදා ගන්න. දැන් එම මිශ්රණය පැත්තකින් තබන්න.
- දැන් මාළුමිරිස් කරල් ටික පුරවාගන්නේ කොහොමද කියලා බලමු. මාළුමිරිස් කරල් සෝදා පැත්තකින් පැල්මක් දමා (වෙන් නොවන ලෙස නටුව එක්කම හෝ නටුව නැතුව) ඇට ටික ප්රවේසමෙන් ඉවත් කරගන්න.
- දැන් විනාකිරි සහ ලුණු ටිකක් ළිප තබා නටන විට මාළුමිරිස් කරල් දමා යන්තම් තම්බා (තප්පර 40 පමන) පසෙකින් දිය බේරෙන්නට තබන්න.
- පොතු, ඇට, කිරි ඉවත් කරගත් ගස්ලබු හොඳින් සෝදා ග්රේරටරයකින් සිහින්ව ගා ගන්න.
- එයට ලුණු සහ විනාකිරි ස්වල්පයක් පමනක් දමා විනාඩියක කාලයක් තම්බා පසෙකින් තබන්න.
- දැන් අබ, ඉඟුරු, සුදුළුනු, මිරිස් කුඩු සමඟ අඹරාගෙන තම්බා ගත් ගස්ලබුවලට කලවම් කර ලුණු ද එකතු කරන්න.
- මෙසේ සාදා ගත් මිශ්රණය මාළුමිරිස්වලට පුරවා ගන්න.
- මැටි භාජනයක් ගෙන එයට විනාකිරි ටික දමා "මුලින් අඹරා තබා ගත් අබ මිශ්රණය"ද සීනිද දමා කලවම් කර ගන්න.
- ඉන් පසු පුරවා සකස් කරගත් මාළුමිරිස් කරල් මෙහි දමා අනා අතින් තදකර දිනක් පමණ වසා තබා ආහාරයට ගන්න.
ලිපිය ලබාගත්තේ gayananethmi.com වෙබ් අඩවියෙන්.