අවශ්‍ය දේවල්:
- ටින් කිරි කෑන් (condensed milk can) 1 - 397ml
- වයිට් චොකලට් (white chocolate) - 400g
- ඔරිඕ කුකීස් (Oreo cookies) 6
සාදා ගන්නා ආකාරය:
- මුලින්ම වයිට් චොකලට් කුඩා කැබලි වලට කඩා ගන්න.
- පසුව ඔරිඕ කුකීස් ටික ගෙන පොඩි කර පසෙකින් තබා ගන්න.
- දැන් නොන්ස්ටික් පෑන් (nonstick pan) 1ක් ගෙන එයට කඩා ගත් වයිට් චොකලට් කැබලි දමා ගන්න.
- එයටම ටින් කිරි එක් කර ලිප තබා ගන්න.
- මද ගින්නේ හොඳින් හැදි ගාමින් චොකලට් සියල්ල හොඳින් දිය වන තුරු මිශ්‍ර කර ගන්න.
- දැන් පොඩි කර පසෙකින් තබා ගත් ඔරිඕ කුකීස් ටික, චොකලට් සහ ටින් කිරි මිශ්‍රණයට දමා ගෙන හොඳින් මිශ්‍ර කර ගන්න.
- පසුව බේකින් පෙපර් (Baking Paper) 1ක් හෝ තෙල් කඩදාසියක් දමා ගත් බේකින් ට්‍රේ (Baking Tray) 1ක් හෝ සුදුසු භාජනයක් ගෙන එයට මිශ්‍රණය දා ගන්න.
- පැය 3ක් පමණ ශීතකරණයේ තබා ගෙන කෑලි වලට කපා ගෙන රස විදින්න.
වැදගත්:
- ටින් කිරි කෑන් (Condensed Milk can), වයිට් චොකලට් (White Chocolate) සහ ඔරිඕ කුකීස් (Oreo Cookies) යන සියල්ල ෆුඩ් සිටි (Food City), ආර්පිකො (Arpico) ආදී සුපිරි වෙළද සැල් (Super Markets) මඟින් ලබා ගත හැකිය.
මේ තියෙන්නෙ මම හදපු ටික
ලිපිය ලිව්වේ: Kalpana Hewa Kandamby මහත්මිය.
