මෙය නම් රසවත් ඉන්දියානු රස කැවිල්ලක්, හින්දියෙන් රාවා ලඩ්ඩු කියලා තමයි කියන්නේ. එහෙනම් හදන විදිහ බලලා ඉමුකෝ.
අවශ්‍ය දේවල්:
අවශ්‍ය දේවල්:
- රුල කෝප්ප 1 ½
- නැවුම් ගා ගත් පොල් කොප්ප 1
- ගිතෙල් මේස හැදි 2 ½
- උකු ටින් කිරි පොඩි ටින් 1 (14oz / 396g / 414ml)
- තලා කුඩු කර ගත් කරදමුංගු ඇට 4
- බේක් කර කැබලි කර ගත් කජු 50g
සාදා ගන්නා ආකාරය:
- මුලින්ම සුදුසු භාජනයක් ලිප තබා එයට ගිතෙල් දමා රත් කර ගන්න.
- දැන් එයට රුලං එක් කර විනාඩි 6-7ක් මද ගින්නේ හොඳින් හැදි ගාමින් බැද ගන්න.
- එයටම පොල් ටික එක් කර විනාඩි 2-3ක් බැදෙන්න හරින්න.
- පසුව එයට කරදමුංගු කුඩු, කජු සහ ටින් කිරි එකතු කර ගන්න.
- මද ගින්නේ හදි ගාමින් ගුලියක් ආකාරයට මිශ්‍රණය සැකසෙන තෙක් පිස ගෙන ලිපෙන් බා ගන්න.
- මිශ්‍රණය මදක් සිසිල් වෙන්නට හැර අතින් ඇල්ලිය හැකි උෂ්ණත්වයට ආ පසු තමන්ට අවශ්‍ය ප්‍රමාණයේ බෝල සකස් කර ගන්න.
- සම්පූර්ණයෙන්ම නිවුනු පසු රස විදින්න.
වැදගත්:
- මේ සඳහා ඩෙසිකේටඩ් පොල් (desiccated coconut)ද භාවිතා කළ හැකිය.
ලිපිය ලියන්න කරුණු ලබාගත්තේ: zestysouthindiankitchen.com වෙබ් අඩවියේ ලිපියකින්.
