අවශ්‍ය දේවල්:
- බාස්මතී සහල් 1kg
- අඹරපු කුකුල් මස් 200g
- හීනියට ලියා ගත් ලූණු 50g
- හීනියට ලියා ගත් සුදු ලූණු 20g
- පොඩියට කපා ගත් එළු මස් 200g
- කුරුඳු පොතු කැබැල්ලක්
- කරදමුංගූ(එනසාල්) 3-4
- තම්බපු බිත්තර 5
- චොප් කළ කොත්තමල්ලී කොළ 50g
- එළඟි තෙල් 100ml
- බැද ගත් කජු 100g
- ලුණු(රස අනුව)
සාදා ගන්නා ආකාරය:
- සහල් හොඳින් පිරිසිදු කර ගෙන පැය භාගයක් (විනාඩි 30ක්) පමණ පොඟවා තබන්න.
- දැන් සුදුසු භාජනයක් ලිප තබා එයට එළඟි තෙල් දමන්න.
- තෙල් රත් වූ විට ලූණු, සුදු ලූණු, කුරුඳු සහ කරදමුංගූ එයට දමා ගෙන තෙම්පරාදු කර ගන්න.
- එයටම එළු මස් කැබලි එක් කර ටික වේලාවකට පසු අඹරා ගත් කුකුල් මස් ටික එකතු කරන්න.
- දැන් එයට පොඟවා වතුර බේරා ගත් සහල් (වතුර ඉවත් කර) එකතු කරන්න.
- රස අනුව ලුණු ද එක් කරන්න.
- දැන් සහල් මට්ටමේ සිට අඟල් භාගයක් පමණ උඩින් වතුර මට්ටම සිටින සේ වතුර දමා ගෙන මද ගින්නේ පිස ගන්න.
- පිස ගත් පසු එයට උඩින් බැද ගත් කජු, චොප් කර ගත් කොත්තමල්ලී කොළ සහ බිත්තර වලින් සරසා ගෙන පිළිගන් වන්න.
වැදගත්:
- එළු මස් නොකන කෙනෙක්ට එළු මස් භාවිතා නොකර සිටිය හැකිය.
ලිපිය ලියන්න කරුණු ලබා ගත්තේ Hemadama Aadaren on RanOne FM ෆේස්බුක් පිටුවේ අය ලියපු ලිපියකින්.
