පෙනුමෙන් ත්‍රිපෝෂ නැත්නම් සමපෝෂ වගේ වුනත් මේ ඒවනම් නෙමේ. මේ හාල් අග්ගලා. අපි සාමාන්යෙන් ගෙදර ඉතුරු උන බත් අව්වේ වේලලා ඇරන් බත් අග්ගලා හදනවනේ. මේ ඒ විදිහට කබලේ බැදලා ගත්ත හාල් වලින් අග්ගලා හදපු විදිහ. ඔන්න තේ වෙලාවට නම් නියමයි. බඩත් පිරෙනවා. හදන්නත් ලේසියි.
අවශ්‍ය දේවල්:
අවශ්‍ය දේවල්:
- හාල් කප් එකක් (මම ගත්තෙ සම්බා හාල්)
- පොල් බෑයක පොල්
- සීනි
- ලුණු චුට්ටක්
- හකුරු ටිකක් (මට හකුරු තිබුනේ නෑ මේකට දාන්න. මම දැම්මෙ පැණි චුට්ට්ක්)
සාදාගන්නා ආකාරය:
- හාල් ටික රන් වන් පාට වෙනකම් කබලෙ බදින්න.
- ඊට පස්සෙ සිහින්ව ග්‍රයින්ඩ් කර ගන්න.
- පොල්, රස අනුව සීනි, රස අනුව ලුනු, පොඩියට කපා ගත් හකුරු (මම දැම්මෙ පැණි චුට්ට්ක්) ඔක්කොම එකට කලවම් කරන්න.
- ගුලි කරන්න තෙත ගතිය මදි නම් විතරක් වතුර චූට්ටක් එකතු කරන්න.
- දැන් ගුලි හදා ගන්න. උඩින් සීනි චුට්ටක් ඉස්සාම ලස්සනයි.
- දැන් රස කර කර කන්න.
ලිපිය ලිව්වේ: Piumi Thanaweera Arachchi විසින්.
