ඔන්න දැන් කියලා දෙන්න යන්නෙ කතුරුමුරුංගා මල්, ඒ වගේම බිත්තර එහෙම දාලා ව්යාංජනයක් හදාගන්න විදිහ. බලන්නකෝ එහෙනම් මේක හදන්නෙ කොහොමද කියලා.
අවශ්ය දේවල්:
- කතුරුමුරුංගා මල්
- කහ කුඩු ස්වල්පයක්
- තුනපහ කුඩු ස්වල්පයක්
- කෑලි මිරිස් හෝ මිරිස් කුඩු ස්වල්පයක්
- උම්බලකඩ කුඩු
- ලියා ගත් අමු මිරිස්
- ලියා ගත් රතු ලූණු
- බිත්තරයක්
- තෙල් ස්වල්පයක්
- මිරි කිරි අඬු කොප්ප ½
- ලුණු (රස අනුව)
සාදා ගන්නා ආකාරය:
- කතුරුමුරුංගා මල් වල රේණු සහ නාරටි ඉවත් කර සෝදා පිරිසිදු කර ගෙන වතුර බේරීමට ටික වේලාවක් තබන්න.
- පසුව එයටම කුහ කුඩු, තුනපහ කුඩු සහ මිරිස් කුඩු එක් කර ගෙන අත ගා ගන්න. (කෑලි මිරිස් යොදා ගන්නවා නම් අවසානයට බිත්තරය දැමීමට කලින් එකතු කර ගත යුතුය.)
- දැන් පෑන් එකක් ලිප තබා එයට තෙල් ටික දමා ගෙන තෙල් රත් වන විට එයට රතු ලූණු එක් කරන්න.
- රතු ලූණු රන් වන් පැහැයට බැදුනු පසු එයට කතුරුමුරුංගා මල්, අමු මිරිස්, උම්බලකඩ කුඩු සහ රස අනුව ලුණු එකතු කර මද ගින්නේ පිස ගන්න.
- කතුරුමුංගා මල් වල වතුර ගතිය හිදුනු පසු එයට බිත්තර දමා ගෙන මිශ්ර කර ගෙන සුළු වේලාවක් පිස ගන්න.
- අවසානයේ දී එයට මිටි කිරි දමා කිරි ටික හිදෙන තුරු පිස ගෙන ලිපෙන් බා ගන්න.
ලිපිය ලිව්වේ ටී. ප්රියන්ති තඹවිට මහත්මිය.