ගොඩක් අය දන්නෙ නැ අකොහොමද තුඹ කරවිල උයන්නෙ කියලා. මේ මම උයන විදිහ. දානයකට තමයි හැතුවේ. ඒ කියන්නෙ 35 (30-40 කට වගේ) දෙනෙකුට විතර. හදලා බලන්නකෝ. හරිම රසයි.
අවශ්‍ය දේවල්: (35 දෙනෙකුට)
- තුඹ කරවිල 1200g
- ලොකු බී ළුණු ගෙඩි 2ක්
- සුදු ළුණු බික් 10-15ක්
- කරපිංචා ටිකක්
- අමුමිරිස් කරල් 6,7ක්
- කහ කුඩු තේ හැඳි 1/4ක්
- තුනපහ කුඩු මේස හැන්දක්
- මිරිස් කුඩු මේස හැන්දක්
- කුරුඳු පොතු 3ක් ( ලොකු කෑලි )
- අබ ඇට තේ හැන්දක්
- සියඹලා බොර මේස හැඳි 11/2ක්
- තෙල් මේස හැඳි 2ක්
- උකු මිටිකිරි කෝප්පයක්
- වතුර කෝප්ප 1/4ක්
- රස අනුව ලුණු
සාදාගන්නා ආකාරය:
- මුලින්ම තුඹ කරවිල ටික හොඳින් සෝදා දිග අතට 4ට කපන්න. ළුණු, සුදුළුනු, කරපිංචා, අමුමිරිස් සිහින්ව කපා වෙනමම තියා ගන්න.
- ඉන්පසුව තුඹ කරවිල ටිකට කහ, මිරිස් කුඩු, තුනපහ කුඩු, ලුණු හා සියඹලා බොර ටික දමා හොඳින් කලවම් කරන්න.
- භාජනයක් ලිප තබා එයට තෙල් ටික දමා තෙල් රත්වන විට අබ ඇට ටික දමන්න. අබ පුපුරනකොට එයට සුදුළුනු හා කරපිංචා දමා බැදෙන්න හරින්න.
- සුදුළුනු රන්වන් පාට වනවිට එයට බී ළුණු, අමුමිරිස් හා කුරුඳු පොතු ද දමා තරමක් ඒවාද බදෙනකොට තුඹ කරවිල ටිකත් දමා හොඳින් කලවම් කර වතුර ටික දමා වසා තම්බෙන්නට තබන්න.
- වරින් වර කලවම් කරමින් තුඹ කරවිල හොඳට තැම්බුනාම මිටිකිරි ටික දමා, රස අනුව අවශ්‍යනම් තව ලුණු ද දමා හින්දවා ගන්න.
මේ තියෙන්නේ හදාගත්තු ව්‍යාංජනය. හරිම රසයි!
ලිපිය ලිව්වේ: Udeni Liyana Arachchi මහත්මිය.
