අවශ්‍ය දේවල්:
- කිලෝ ග්‍රෑම් 2 1/2 ක් පමණ බර ඇති පුහුල් ගෙඩි 1 යි
- සීනි කිලෝ 1 යි
- කරදමුංගු කුඩු තේහැඳි 1
සාදාගන්නා ආකාරය:
- හොඳ පුහුල් ගෙඩියක් ගෙන මද සහ ඇට ඉවත් කර ගෑරප්පුවක්, ගේටරයකින් හෝ හිරමනයකින් ගාගන්න.
- අනතුරුව ලේන්සුවක් ආධාරයෙන් පුහුල් වල වතුර මිරිකා හැර බේසමකට දමාගන්න. වතුර නටවා ගා ගත් පුහුල් වලට උඩට සිටින සේ වත්කර භාජනයකින් වසන්න. (තැම්බෙන්න)
- ටික වේලාවකින් නැවතත් ලේන්සුවෙන් වතුර බේරාගන්න. තවත් වතුර ඇත්නම් ඒවාද බේරීමට එල්ලා තබන්න.
- ඉන්පසු හොදින් මිරිකා වතුර ඉවත් තරගත් පුහුල් හා සීනි තාච්චියට දමා ලිප තබා හැඳිගාන්න. (කර නොවී සීනි දිය වෙන්නෙම නැත්නම් වතුර පොඩ්ඩකුත් දාන්න)
- පදමට එනවිට කරදමුංගු ආදි සුවඳ ද්‍රව්‍යන් ද දමන්න.
- තාච්චිය වටේ සීනි වියළී එන පදමේදි ලිපෙන් ඉවත්කර බන්දේසි ලෑල්ලක තුනී කරගෙන කැබලි කපාගන්න.
- දැන් එම කැබලි සීනි අතුරන ලද භාජනයකට දමා පෙරළා ගන්න.
වැදගත්:
- හොඳ ලේන්සුවක්/ පිරිසිදු රෙදි කඩක් නැතිනම් වතුර බේරා හැරිය හැකි යමක් භාවිතා කරන්න.
මේ ජායාරූප ටිකත් ටිකක් බලන්න:
සීනි දැන්මා තාච්චියට
පුහුලුත් තාච්චියට දාලා හොදින් හැදිගාන්න.
ලිපිය ලිව්වේ: Gayana Nethmi මහත්මිය.
