අවශ්‍ය දේවල්:
- මුරුංගා කරල් 1හෝ 2ක්
- බී ළූනු ගෙඩි 2 - කුඩාවට කපා
- තක්කාලි ලොකු ගෙඩි 1 - කුඩාවට කපා
- මිරිස් කුඩු තේ හැදි 1 (රස අනුව ගන්න )
- කොත්තමල්ලි කුඩු තේ හැදි 1/2 - 3/4
- ලුණු රස අනුව
- තෙල් මේස හැදි 2
- කොත්තමල්ලි කොළ ටිකක්
- අබ තේ හැදි 1/2
- වියළි මිරිස් කරල් 1-2
- සුදුළූණු බික් 3-4ක් තලා
- කරපිංචා
සාදාගන්නා ආකාරය:
- මුරුංගා අගල් 2 පමණ කෑලි කපාගන්න.
- තෙල් ටිකක් රත්කර එයට තම්බපු බිත්තර දමා රන්වන් පාටට පෙරලමින් ටිකක් බැදෙන්නට හරින්න.
- ඒ අතර ලුණු ටිකක් ඉසගන්න.
- එය භාජනයෙන් ඉවත්කර ගන්න.
- දැන් එම භාජනයටම මුරුංගා ටිකත් දමා ලුණු ටිකක් ඉස විනාඩි 1-2ක් පෙරලමින් පිසගන්න.
- එයත් දැන් භාජනයෙන් ඉවත්කර ගන්න.
- එම භාජනයටම නැවත තෙල් ටිකක් දමා අබ දමා පුපුරන විට වියළි මිරිස්, සුදුළූණු හා කරපිංචා දමා තත්පර කිහිපයක් පිසගන්න. පුච්චගන්න එපා.
- එයට ළූනු දමා වර්ණ වෙනස් වනවිට මිරිස් කුඩු, කොත්තමල්ලි කුඩු හා ලුණු මිශ්‍රකර ගන්න.
- දැන් එයට තක්කාලි හා මුරුංගා එකතුකර මිශ්‍රකර විනාඩි 2-3ක් භාජනය වසා පිසගන්න.
- දැන් එයට තම්බා බැදගත් බිත්තර එක්කර මද ගින්දරේ විනාඩි 2ක් පිසගන්න.
- වතුර කෝප්ප 2ක් එක්කර තරමක් හොදි ගතිය තිබෙන්නට පිසගන්න. විනාඩි 10-12ක් පමණ.
- ලුණු බලාගන්න.
- කොත්තමල්ලි කොළ ටිකකින් ගානිශ් කරගන්න.
වැදගත්:
- බිත්තර ඇතුළතටත් හොදි ගතිය යන්නට අවශ්‍යනම් පිහි තලයකින් බැදගත් බිත්තර වලට ඇනීමක් කරගන්න වෙන් නොවන ලෙස.
ලිපිය ලිව්වේ: නෙරන්ජලා ප්‍ර‍නාන්දු මහත්මිය.
