මමනම් මේක හැදුවේ මහත්තයට දවල් කෑම එක විදිහට උදේ යද්දී අරන් යන්න කියලා. ටෙස්ට් කරන්න තමා හැදුවේ. ඔයාලත් කැමතිනම් හදලා බලන්නකෝ.
අවශ්‍ය දේවල්:
අවශ්‍ය දේවල්:
- ඉස්සෝ
- ලුණු
- ගම්මිරිස්
- සාමාන්‍ය විනාකිරි
- අබ ටිකක්
- ඉගුරු
- සුදු ළූණු
- රම්පේ
- කරපිංචා
- කොටු කපා ගත් ළූණු
- මිරිස් කුඩු ටිකක්
- කෑලි මිරිස් ටිකක්
- කහ ටිකක්
- අමු මිරිස්
- සූටි ගොරකා කෑල්ලක්
- පොල් කිරි
සාදාගන්නා ආකාරය:
- ඉස්සෝ හොදට සුද්ද කරලා ඒකට ලුණු, ගම්මිරිස් දාලා හොදට අතගා ගෙන ටික වෙලාවක් තියන්න. සාමාන්‍ය විනාකිරි බිංදු 2ක් 3ක් දමන්න.
- තෙල් ටිකක් රත් වෙන්න තියලා අබ ටිකක් පුපුරවා ගන්න.
- ඒකටම තලා ගත් ඉගුරු, සුදු ළූණු, රම්පේ, කරපිංචා, කොටු කපා ගත් ළූණු එකතු කරලා රන්වන් පාට වෙනකල් බැදගන්න.
- ඉස්සෝ ටිකටම මිරිස් කුඩු ටිකක්, කෑලි මිරිස් ටිකක්, කහ ටිකක් දාලා කලවම් කරලා ඒකත් අර තෙලටම දාලා ටික වෙලාවක් බැදෙන්න තියන්න.
- බැදුණට පස්සේ බෝංචි ටික සහ අමු මිරිස් ටිකක් එකතු කරලා තව ටික වෙලාවක් තියන්න.
- මුහුදු ආහාර වලට තක්කාලි දාන්න හොද නෑ කියලා මම අහලා තිබ්බා. ඒ නිසා තක්කාලි නොදා සූටි ගොරකා කෑල්ලක් දැම්මා.
- බෝංචි වල කොළ පාට යන්න කලින් පොල් කිරි ටිකක් දාලා හින්ද ගන්න. මම ගොඩාක් හොදි තියන්නේ නැති නිසයි හින්දුවේ. කෑම එකට නේ. ඕන නම් හොදි තියාගන්න. ඔච්චරයි!!
ලිපිය ලිව්වේ: Koshala Perera Wickramaarachchi මහත්මිය.
