දැන් කියලා දෙන්න යන්නේ පරිප්පු මැල්ලුමක් හදාගන්නේ කොහොමද කියලා. රසම රසයි. ඒ වගේම හොද බඩගිනි හැදෙන සුවදකුත් තියෙනවා.
අවශ්‍ය දේවල්:
අවශ්‍ය දේවල්:
- අවශ්‍ය පමණ පරිප්පු
- ගොරකා කෑල්ලක්
පොල් මැල්ලුම සදහා අවශ්‍ය දේවල්: (පරිප්පු වල ප්‍රමාණයට ගන්න)
- පොල්
- රතු ළූනු
- සුදුළූණු
- කරපිංචා කොළ
- අමුමිරිස්
- කුරුදු කෑල්ලක්
- ගම්මිරිස් කුඩු රස අනුව
- කහ කුඩු ටිකක්
- අමු තුනපහ ටිකක්
- ලුණු රස අනුව
තෙම්පරාදු කිරීමටඅවශ්‍ය දේවල්:
- තෙල් ටිකක්
- අබ ඇට ස්වල්පයක්
- කරපිංචා ටිකක්
- කෑලි මිරිස් ටිකක් හෝ වියළි මිරිස් කරල් කිහිපයක් කඩා
සාදාගන්නා ආකාරය:
- මුලින්ම පරිප්පු වලට වතුර ස්වල්පයක් ( බෙරි නොවී තැම්බෙන ගානට පමණක් ) දමා ටිකක් ඇඹුල් ගතියක් එන්නට ගොරකා ඉතා පොඩි කෑල්ලක් එක්කර තම්බා ගන්න.
- දැන් පරිප්පු තැම්බෙන තුරු පොල් මිශ්‍රණය සකසා ගන්න. මුලින්ම සියලුම ද්‍රව්‍ය හොදින් අඹරා එයට පොල් එක්කර අඹරා ගන්න.
- පරිප්පු ටික තැම්බී වතුර සිදීගිය විට එයට පොල් මිශ්‍රණය එක්කර හොදින් මිශ්‍රකර ටික වේලාවක් පොල් මිශ්‍රණය පිසෙන තුරු පිසගන්න.
- මේ අතර ලුණු බලාගන්න.
- පසුව තෙල් ටිකක් ලිපතබා රත් වූ විට අබ දමා පුපුරන විට එයට කෑලි මිරිස් හෝ වියලි මිරිස් කරල්, කරපිංචා දමා බැද එය පරිප්පු හා මිශ්‍රකර ස්වල්ප වේලාවක් පිසගන්න.
- මෙය පිසෙන විට සුවද හොදින් පැතිරෙනවා.
ලිපිය ලිව්වේ: නෙරන්ජලා ප්‍ර‍නාන්දු මහත්මිය.
