ගස්ලබු කියන්නේ අපි හැමෝම වගේ කන්න කැමති දෙයක්. ගස්ලබු වලින් මස්කට් හදන්නත් පුලුවන්. මේ තියෙන්නේ හදන විදිහ. තේ බොනකොට කන්න ගන්න එහෙම පුලුවන්.
අවශ්‍ය දේවල්:
- 750g පමණ බර පැසුණු ගස්ලබු ගෙඩි 1
- රුලං 500g
- සීනි 750g
- බටර් මේස හැඳි 2
- කරඳ මුංගු කුඩු තේ හැඳි ½
- වැනිලා තේ හැඳි 1
- කපාගත් කජු 50g
- කැමැති නම් කලරින් වර්ගයකින් බිංදු 2
සාදාගන්නා ආකාරය:
- පළමුව ගස්ලබු ගෙඩිය දෙකට කපා ඇට ඉවත් කර හිරමනයකින් හීනියට ගාගන්න.
- ගාගත් ගස්ලබු උතුරන වතුරට දමා විනාඩි 10 ක පමණ කාලයක් තම්බා ගන්න.
- පසුව තම්බා ගත් ගස්ලබු පිරිසිදු රෙදි කෑල්ලකට දමා මිරිකා ගන්න.
- දැන් රුලං ටික කබලේ යාන්තමට බැද ගන්න.
- ඉන්පසු සුදුසු භාජනයක් ළිප තබා එයට බටර් එක්කර රත්වන විට ගස්ලබු, රුලං සහ සීනි සමඟ අනිකුත් සියලු ම ද්‍රව්‍ය දමා හොඳින් හැඳි ගාන්න.
- නිවෙන්නට පෙර තැටියකට දමා කෑලි කපා ගන්න.
ලිපිය උපුටා ගත්තේ සිළුමිණ(silumina.lk) වෙබ් අඩවියෙන්.
