ඔන්න දැන් කියලා දෙන්න යන්නෙ බණ්ඩක්කා වලින් රසම රස කරියක් හදාගන්නේ කොහොමද කියලා. මේක යෝගට් දාලා හැදුවේ. මේ විදිහට හදපුවහම පොල් කිරි දාන්න ඕන නෑ.
අවශ්‍ය දේවල්:
- බණ්ඩක්කා
- ළුණු
- අමුමිරිස්
- කරපිංචා
- තක්කාලි
- ලුණු
- කහ කුඩු
- ගම්මිරිස් කුඩු
- තෙල්
- අබ
- උළුහාල්
- පැණි රස නැති යෝගට් හෝ කර්ඩ් (curd- මුදවාපු කිරි)
සාදාගන්නා ආකාරය:
- මුලින්ම බණ්ඩක්කා ටික හොඳින් සෝදලා කැමති හැඩයකට කපා ගන්න. (මම මදය වැඩියෙන් පේන්න කපන්නේ. එතකොට පනුවෝ එහෙම හිටියොත් හොඳට පේන නිසා.)
- හීනියට කපාගත් ළුණු, අමුමිරිස්, කරපිංචා, තක්කාලි පොඩි කෑල්ලක් එකටම දාල, ලුණු, කහ කුඩු, ගම්මිරිස් කුඩු ටිකක් දාල හොඳට අතගාන්න.
- පැතලි පෑන් 1ක් ලිප තියල එකට තෙල් මේස හැන්දක් විතර දාල රත් කරන්න.
- තෙලට අබ ඇට හා උළුහාල් ඇට ටිකක් දාන්න.
- අබ ටික පුපුරන කොට බණ්ඩක්කා ටික දාල කලවම්කරලා පියනෙන් වහල අඩු ගින්දරේ උයන්න.
- වරින් වර කලවම් කරමින් පාට වෙනස් වෙන්නේ නැති වෙන්න උයන්න.
- ඒ ටික තැම්බුනට පස්සේ පැණි රස නැති යෝගට් හෝ කර්ඩ් මේ.හැ. 2ක් මිශ්‍ර කරලා ලිපෙන් බාන්න.
ලිපිය ලිව්වේ: Udeni Liyana Arachchi මහත්මිය.
