ඔන්න දැන් කියලා දෙන්න යන්නෙ කන්කුන් තෙල් දාලා හදාගන්නෙ කොහොමද කියලා.
අවශ්‍ය දේවල්:
අවශ්‍ය දේවල්:
- කන්කුන්
- තෙල්
- සුදුලුනු
- ලුනු
- අමුමිරිස්
- තක්කාලි
- ලුණු
- කැලි මිරිස්
සාදාගන්නා ආකාරය:
- කන්කුන් කැමති විදියට කඩා හොදින් සෝදා ගන්න. පසුව වතුර ගතිය හොදට පෙරෙන්න තියන්න.
- පස්සෙ භාජනයක් ලිපේ තියලා එකට අවශ්‍ය ප්‍රමාණයට තෙල් ටිකක් දමා එයට තලා ගත් සුදුලුනු ටිකක් දමා බැදෙන්නට හරින්න.
- පසු කපා ගත් ලුනු හා අමුමිරිස් දමා ටික වේලාවක් බැදෙන්නට හැර එකට තක්කාලි ටිකකුත් දමා කලවම් කරන්න.
- පසුව රස අනුව ලුණු හා කැලි මිරිස් දමා හොදින් කලවම් කර, අන්තිමට කන්කුන් ටික දාලා හොදින් මිශ්‍ර කරන්න.
- කන්කුන් දැම්මාට පසු ගින්දර ටිකක් වැඩි කර ගන්න. නැතිනම් කන්කුන් වලට වතුර ගතිය ඇවිත් කන්කුන් වල පාට වෙනස් වෙන්න බලනවා.
- වැඩි ගින්දරේ කන්කුන් ටික ඉක්මනින්ම දාලා බැදෙන්නට හැර ඉවතට ගන්න. එතකොට ලස්සන පාටක් එනවා.
මේ තියෙන්නෙ මම හදපු එක
ලිපිය ලිව්වේ: Kanchana Joseph මහත්මිය.
