රසම රස ජුජුබ්ස් හදාගන්න විදිහ තමා දැන් කියලා දෙන්න යන්නෙ. මේ විදිහට කඩෙන් ගන්න ඒවට වඩා රසයි. හදමු එහෙනම්.
අවශ්‍යය දේවල්:
අවශ්‍යය දේවල්:
- ජෙලටීන් 30g
- සීනි කෝප්ප 2 යි
- කූල් වතුර කෝප්ප 1/2 යි
- නිකන් වතුර කෝප්ප 3/4 යි
- ෆුඩ් කලරින් සහ එසන්ස්
සාදාගන්නා ආකාරය:
- මුලින්ම කූල් වතුර කෝප්ප බාගෙට ජෙලටීන් 30g එකතු කරල විනාඩි 10ක් තියන්න.
- ඊලගට භාජනයක් ලිප තියල අනිත් වතුර කෝප්ප 3/4 හා සීනි කෝප්ප 2 එකතු කර වැඩි ගින්දරේ හොදින් උතුරවාගන්න.
- දැන් සීනි දියවෙලානෙ. එහෙනම් ගින්දර අඩු කරල ඒකත් විනාඩි 5ක් තව රත්වෙන්න අරින්න.
- දැන් මේ සීනි ද්‍රාවණය අර ජෙලටීන් එකට දාල හොදට කලවම් කරන්න.
- දැන් මෙම ද්‍රාවණය පොඩි භාජන කීපයකට වෙන් කරගෙන ඒ ඒ භාජන වලට තමන් කැමති වර්ණක හා එසන්ස් එකතු කර ආය කලවම් කරන්න.
- දැන් මේ මිශ්‍රණය බටර් ගාපු භාජන වල අගලක් පමණ ඝණකමට දාගෙන. ශීතකරණයේ පැය 7ක් 8ක් තියන්න.
- පැය 8කට පසු: දැන් මේව තමන්ට ඕන ප්‍රමාණ වලට කෑලි කපාගෙන සීනි වල තවරා නැවත ශීතකරණයේ දමන්න (නිවැරදිම ආකාරයටනම් මේව එකිනෙකට නොවදින සේ පැය 24ක් ශීතකරණයේ තියල කෑමට ගන්න ඕනෙ)
- ඒත් ඒක කරන්න බෑනෙ. ඒ හින්ද පැය 2කින් පස්සෙ වගේ කන්න ගන්න.
- කඩේ ඒවට වඩා රසයී. කියනවට හදල බලන්නකෝ.
ඔන්න ජෙලටින් ටික ගත්තා
ඒකට කූල් වතුර දැන්මා
විනාඩි 10ක් තිබ්බා ඔන්න
තව භාජනයක් ලිපේ තියල අනිත් වතුර කෝප්ප 3/4 හා සීනි කෝප්ප 2 කරගෙන රත් කරගන්න යන්නෙ.
තියවුනු සීනි ද්‍රාවණයට අර ජෙලටීන් එකට දාල හොදට කලවම් කරන්න යන්නෙ
පස්සෙ ඒ ද්‍රාවණය පොඩි භාජන කීපයකට වෙන් කරගත්තා
ඒ ඒ භාජන වලට කැමති වර්ණක හා එසන්ස් එකතු කරගෙන ආයෙ කවලම් කරා ( මේ තියෙන්නෙ මම තැඹිලි පාට දාපු එකක්)
ඔන්න භාජනයක බටර් ගානව ඒ මිශ්‍රණය දාගන්න
මම හදාගත්ත කොළ පාට මිශ්‍රණයෙන් ටික්ක ඔන්න අගලක් විතර පිරෙන්න ඒ භාජනයට දාගත්තා
ෆ්‍රිජ් ඒකේ තියලා එලියට ඇරන් කෑලි කපන්න හදන්නේ. ඊට පස්සෙ සීනි එහෙම ගාලා ආයෙ මන් මේක ෆ්‍රිජ් එකට දානවා. පස්සෙ කන්න තමා තියෙන්නෙ.
ලිපිය ලිව්වේ: Hasintha Madushan මහත්මයා.
