බටු නොකන අයත් බටු කන්න ආස කරපු අපේ අම්මාගේ බටු පැහි එක. එහෙම නැත්නම් කරිය, බැදුම එහෙමත් නැත්නම් සම්බෝලෙ. ඕන නමක් දාගන්නකෝ.
අවශ්‍ය දේවල්:
- බටු සිහින් කපා
- කහ
- තෙල්
- හාල්මැස්සන්
- අමු මිරිස්කරල් දික් අතට ලියා
- ළුනු කුඩා කොටු කපා
- සුදු ළුනු ලියා
- තක්කාලි කොටු කපා
- රම්ප
- කරපිංචා
- මිරිස් කුඩු
- කෑලි මිරිස්
- ගම්මිරිස් කුඩු ටිකක්
- ලුණු
- සීනි චුට්ටක්
සාදාගන්නා ආකාරය:
- බටු සිහින් කපා කහ පමනක් අතගා ගැඹුරැ තෙලේ බැද ගන්න.
- හාල්මැස්සන් සුද්ද කර උණු වතුරෙන් සෝදා තෙත ගතිය වේලා ගන්න පසුව බැද ගන්න.
- අමු මිරිස් සිට තක්කාලි හැර අකෙක් ඒවා ද බැද ගන්න (ළුනු කුඩා කොටු කපා, සුදු ළුනු ලියා, රම්ප, කරපිංචා)
- මිරිස් කුඩු, කෑලි මිරිස්, ගම්මිරිස් කුඩු ටිකක්, ලුණු, සීනි චුට්ටක් - දැන් මේ සියල්ල එකට මිශ්‍ර කර තක්කාලිද මිශ්‍ර කර ගන්න.
වැදගත්:
- නරක් නොවී ෆ්‍රිජ් එකේ නම් සති 2ක් විතර තියා ගන්න පුලුවන්. ඒ උනත් එච්චර කල් නම් තියාගනී කියලා කියන්න බෑ. ඒ තරම් මේක රසයි.
ලිපිය ලිව්වේ "ඉවුම් පිහුම්" ෆේස්බුක් ගෘප් එකේ සාමාජිකාවක්.
