අද දවල් කෑමට හදපු දැල්ලෝ ඩෙවල් එක. මේ විදිහට හදලා රසම රසයි. ඔයාලත් හදලා බලන්න. මම හැදුවේ මෙහෙමයි.
අවශ්‍ය දේවල්:
අවශ්‍ය දේවල්:
- දැල්ලෝ 500g
- ලොකු රටළුණු ගෙඩි 2
- මාළුමිරිස් කරල් 3
- අමුමිරිස් කරල් 3
- තක්කාලි ගෙඩි 2
- සුදුලූණු බික් 3
- කරපිංචා
- ගම්මිරිස් කුඩු
- කෑලි මිරිස්
- සීනි තේ හැදි 2ක්
- ලුණු
- සෝස් වර්ගයකින් මේස හැදි 4ක් (මම දැම්මේ චිලී සහ ගාලික් සෝස්)
- තෙල් ටිකක්
සාදාගන්නා ආකාරය:
- මුලින්ම දැල්ලෝ ටික හොදින් සුද්ද කර සෝදා ගන්න. ඉන්පසු එයට ලුණු, ගම්මිරිස් ටිකක් දමා තම්බා ගන්න. රටළුණු, මාළුමිරිස්, අමුමිරිස් ද කපා පසෙකින් තබන්න. සුදුලූණු ටික හොදින් තලල ගන්න.
- දැන් තම්බාගත් දැල්ලෝ ටිකේ වතුර හොදින් බේරා ගන්න.
- භාජනයක් ලිප තබා එයට තෙල් ටිකක් දමා එය රත් වූ පසු සුදුලූණු එක් කර පසුව දැල්ලෝ ටික එයට එක් කර ටික වේලාවක් බැදෙන්නට හරින්න.
- ඉන්පසු එයට කරපිංචා, අමුමිරිස්, මාළුමිරිස් එක කර හොදින් කලවම් කරන්න.
- විනාඩි 2ක් විතර ගියාට පසු ගම්මිරිස්, කෑලි මිරිස් එක් කර හොදට කලවම් කරන්න.
- ඉන්පසු සීනි අවශ්‍ය පමණ, ලුණු සහ සෝස් එක් කර කලවම් කරන්න. අවශ්‍ය නම් වතුර ටිකක් එක් කරන්න.(ඉස්ම ගතිය වැඩියෙන් ඕනනම්)
- පසුව රටළුණු ටිකද එක්කර ටික වේලාවක් ගිය පසු තක්කාලිද එක් කරන්න. මෙිවා වැඩිය තැම්බෙන්න දෙන්න එපා.
- රටළුණු යන්තමින් තැම්බුනු පසු ලිපෙන් ඉවත් කරන්න.
- ඔන්න දැන් දැල්ලෝ ඩෙවල් එක හරී..
අන්තිමට මෙන්න මේ වගේ තියෙයි. මමනම් ඔන්න ටිකක් වෙනම දාගත්ත.
ලිපිය ලිව්වේ: Udula Jayawardana මහත්මිය.
