අවශ්‍ය දේවල්:
- සෝදා විනාඩි 20 පමන පොගවා ගත් සහල්
- තක්කාලි ගෙඩි දෙකක්
- බීලූනු ගෙඩි දෙකක්
- අමුමිරිස් කරල් 5,6
- හීනියට ගාගත් පොල් කප් එකක්
- සුදුලූනු අමුඉගුරැ පේස්ට් මේස හැදි දෙකක්
- කොත්තමල්ලි කුඩු මේස හැදි දෙකක්
- ගරම් මසාලා මේස හැදි දෙකක් තුනක්
- මිරිස් කුඩු මේස හැන්දක්
- ගම්මිරිස් කුඩු තේ හැන්දක්
- කහකුඩු තේ හැදි දෙක හමාරක්
- කොත්තමල්ලි හා මින්ට් කොල ටිකක්
- කරපිංචා කොල දෙකතුනක්
- චිකන් ලොකුවට කපාගත් කෑලි 6,7
- තෙල්
- උනු වතුර
- රස අනුව ලුනු
සාදාගන්නා ආකාරය:
- මුලින්ම තැටියක් ලිප තබා තෙල් මේස මේස හැදි දෙකක් පමන දමා අමුමිරිස් ටික එක්කරන්න.
- මදක් බැදෙනකොට පොල්ටික එක්කරන්න කහ කුඩු හැදි බාගයක් එක්කර කලවම්කරන්න.
- බ්ලෙන්ඩරයට මේ ටික එක්කර ඇල්වතුර ස්වල්පයක්ද එක්කර පේස්ට් එකක් සකසා ගන්න.
- ලොකු ඉඩ ඇති බාජනයක් ලිප තබා එයට තෙල් මේස හැදි 4, 5 එක්කරන්න. බීලුනු හා ඉගුරැ පේස්ට් එක එක්කර බැදෙන්න හරින්න.
- කහකුඩු ඇතුලු ඉහත කුළුබඩු ඔක්කොම එක්කරන්න. තක්කාලි එක්කරන්න. කරපිංචා මින්ට් කොත්තමල්ලි කොලත් එක්කරන්න.
- දැන් අඹරාගත් පොල් පේස්ට් එක එක්කර ටිකක් උකුවෙන්න හරින්න. ලුනු එක්කරන්න. චිකන් ටික එක්කරන්න.
- මදවෙලාවකින් නටවාගත් උනුවතුර බත ඉදෙන්න ඇති පමන එක්කරගන්න. වතුර ලොකු ප්‍රමාණයක් අවශ්‍ය නෑ. උනුවතුර නිසාත් හාල් පෙගුන නිසාත් ඉක්මනින් ඉදෙනවා.
- දැන් හාල් ටිකත් එක්කර මධ්‍යම පමනට ගින්දර ඇතුව උයාගන්න.
ලිපිය ලිව්වේ: Shamila Kosalee මහත්මිය. ඇය මේක උපුටාගෙන තිබුනේ ඉන්දියානු ආහාර වට්ටෝරැ පිටුවකින්.
