කවුද කාලා තියෙන්නෙ බිලිං මාලුව හදලා එහෙම. ලේසියකට කෙනෙක් නම් කාලා නෑ. ඔන්න දැන් කියලා දෙන්න යන්නෙ බිලිං මාලුවක් හදන විදිහ.
අවශ්‍ය දේවල්:
- බිලින්
- තෙල් ටිකක්
- සුදු ලූනු
- රතු ලූනු
- අමුමිරිස්
- රම්පෙ
- කරපින්චා
- කුරුඳු පොතු කෑල්ලක්
- මිරිස් කුඩු
- කහ කුඩු
- බැදපු තුන පහ කුඩු
- ලුනු
- මිටි කිරි
- සීනි චුට්ටක්
සාදාගන්නා ආකාරය:
- බිලින් ටික මැද නාරටිය අයින් කරලා වටෙන් තීරු තීරු කපා ගන්න.
- බාජනයක් ලිපේ තියලා රත් වුනාම තෙල් ටිකක් දාන්න.
- තෙල් රත් වූ පසු ඒකට සුදු ලූනු, රතු ලූනු, අමුමිරිස්, රම්පෙ, කරපින්චා දමා බැදෙන්න හරින්න. කුරුඳු පොතු කෑල්ලකුත් එකතු කරන්න.
- ඊට පස්සෙ කපා ගත් බිලින් ටික එකතු කරන්න.
- මිරිස් කුඩු, කහ කුඩු, බැදපු තුන පහ කුඩු එකතු කරන්න.
- රස අනුව ලුනුත් දමන්න.
- තෙලෙන් හොඳට මැල වුනාට පස්සෙ මිටි කිරි චූට්ටක් එකතු කර ගන්න.
- හොඳින් හිඳුනු පසු ලිපෙන් අයින් කරන්න.
- ඇඹුල් ගතිය වැඩිනම් සීනි චුට්ටක් කලවම් කරන්න.
