බීට් රූට් කන්න අකමැති අයට මේ විදියට හදල බලන්න. හැමදාම උනත් කාවි.
අවශ්ය දේවල්:
අවශ්ය දේවල්:
- බීට් රූට් ගෙඩි කිහිපයක්
- රතුලූනු
- අමු මිරිස්
- විනාකිරෙන් අඹරා ගත් සුදුලූනු සහ ඉගුරු
- අඹරා ගත් අබ සහ සූදුරු
- තලාගත් කරාබු නැටි සහ එන්සල් ස්වල්පයක්
- මිරිස් කුඩු
- කහ
- ලුනු
- රස අනුව සීනි
- විනාකිරි
සාදාගන්නා ආකාරය:
- බීට් රූට් සුද්ද කර සෝදා සිහින්ව දිගු අතර තීරු කපා ගන්න.
- රතුළුනු සුද්ද කර සෝදා ගන්න.
- අමු මිරිස් සෝදා ගන්න.
- මැටි හට්ටියක් ලිප තබා වතුර වියලෙන්න හැර එයට විනාකිරි දාන්න.
- එය රත් වී ගෙන එනවිට. සුදුලූනු ඉගුරු පේස්ට් එක, අබ පේස්ට් එක, තලා ගත් කරාබු නැටි, එන්සල්, ලුනු, සීනි, මිරිස් කුඩු, කහ දමා හොදින් කලවම් කරන්න.
- එය තද පාටට හැරී ගෙන එන විට ( විනාකිරි හිදෙන්න දෙන්න එපා ) බීට් රූට් , රතුලූනු සහ අමු මිරිස් එකතු කර හොදින් කලවම් කරන්න.
- විනාඩි කිහිපයක් ලිපේ තියෙන්න දී ලිප වසන්න.
- රස්නෙන් තව ටිකක් වෙලා ලිප මත තියෙන්න දෙන්න. දවසක් දෙකක් ගියාට පස්සෙ කෑමට ගන්න.
පෙනුම වගේම තමා රසත්.
ලිපිය ලිව්වේ: Shiki Ranasinghe මහත්මිය.