කොළපාටට මෙහෙම ඉව්වේ කොහොමද කියල අහපු යහළුවන්ට මේ. අමුතු දෙයක් නැහැ. මම හදන්නේ මෙහෙමයි.
අවශ්‍ය දේවල්:
අවශ්‍ය දේවල්:
- බෝංචි
- බී ලුණු, අමුමිරිස්, සුදුලුනු, කරපිංචා
- කහකුඩු ටිකක්, බැදපු උළුහාල් චුට්ටක්, කුරුඳු පොත්තක් හා ලුණු කුඩු
- වතුර
- උකුම මිටිකිරි
- ලුණු
සාදාගන්නා ආකාරය:
- බෝංචි ටික අඟල් 2 විතර කෑලි වලට කපල මැද්දෙන් දෙකට පලන්න.
- එකටම හීනියට ලියාගත් බී ලුණු, අමුමිරිස්, සුදුලුනු, කරපිංචා දමන්න.
- පහේ වලට දාන්නේ කහකුඩු ටිකක්, බැදපු උළුහාල් චුට්ටක්, කුරුඳු පොත්තක් හා ලුණු කුඩු විතරමයි.
- මේ ටික මැටි අතිලියට දාල කලවම් කරලා වතුර බොහොම පොඩ්ඩක් (බෝංචි 250g ක් නම් වතුර මේස හැඳි 2ක් විතර) දාලා පියනෙන් වහලා මද ගින්නේ තැම්බෙන්න තියන්න.
- බෝංචි ටික හොඳ කොලපාට තියෙද්දී යන්තම් තැම්බෙන කොට උකුම මිටිකිරි චුට්ටක් දාල හැඳි ගාල ඇරලා තියන්න. ගින්දර යන්තම් තියන්න. මෙවෙලේම ලුණු රස බලල තව ඕනිනම් දාන්න.
- කිරි උතුරද්දී බෝංචි තැම්බිලා ඇතුලට රසත් උරාගෙන හොඳට එනවා. කිරි හිඳෙන කොට ලිපෙන් බාන්න.
ලිපිය ලිව්වේ: Udeni Liyana Arachchi මහත්මිය.
