අවශ්‍ය දේවල්:
- මාලු මිරිස්
- තෙල්
- බීලූනු
- සුදු ලූනු
- රම්පෙ, කරපින්චා
- කහ කුඩු
- අමු තුනපහ කුඩු
- කෑලි මිරිස්
- ලුනු කුඩු
- උලුහාල් ඇට කීපයක්
- තක්කලි ගෙඩියක්
- මිටි කිරි පොඩ්ඩක්
- බිත්තරයක්
සාදාගන්නා ආකාරය:
- මාලු මිරිස් ටික පොඩියට කපාගන්න.
- තෙල් ටිකක් ලිප තියලා ඒකට රවුමට කපාගත්තු තරමක බීලූනු ගෙඩියක් දාගන්න.
- ඒක කලවම් කරලා, සුදු ලූනු බිකක්, රම්පෙ, කරපින්චා දාලා තෙම්පරදු කරන්න.
- දැන් ඒකට කහ කුඩු, අමු තුනපහ කුඩු, කෑලි මිරිස්, ලුනු කුඩු, උලුහාල් ඇට කීපයක් දාගන්න.
- අන්තිමට තරමක තක්කලි ගෙඩියක් දාන්න. තක්කලි ටික හොදට බුබුලු දාද්දි මාලු මිරිස් ටික එකතු කරලා, වහලා, ගින්දර අඩු කරලා, තෙලෙන් තැම්බෙන්න තියන්න.
- හොදට තෙලෙන් තැම්බුනාම මිටි කිරි පොඩ්ඩක් එකතු කරලා ගින්දර වැඩි කරලා උතුරවා ගන්න.
- කිරි ටික හොදට නටද්දි ඒකට බිත්තරයක් කඩලා දාන්න.
- බිත්තරේ දාලා හොදට කලවම් කරලා ලිප නිවන්න. හරිම රසයි!
හරිම රසයි මේ විදිහට හදලා !
ලිපිය ලිව්වේ: දේදුනු විමලතුංග මහත්මිය. මේ විදිහට මාලු මිරිස් කරියක් හදන හැටි ඇයට කියලා දීලා තියෙන්නෙ ඇයගේ යාලුවා Tharanga Sewwandi.
