- නිවිති ග්‍රෑම් 300
- කිරි කෝප්ප 1 (කිරි පිටි වලින් හදාගන්න)
- පාන් පිටි කෝප්ප 1
- දියකරගත්ත බටර් කෝප්ප 1/2
- ලුණු තේ හැදි 1
- පොඩියට කපාගත්ත ළුණු ගෙඩි 1
- ගාගත්ත චෙඩාර් චීස් ග්‍රෑම් 200
සාදාගන්නා ආකාරය:
- මුලින්ම 190°C උෂ්ණත්වයට අවන් එක රත්වෙන්න දලා අනිත් වැඩ ටික කරන්න පටන් ගන්න. අපි මෙහෙම රත් වෙවී තියෙන අවන් එකට තමයි අන්තිමට හදාගන්න නිවිති මිශ්‍රණය දාලා බේක් කරගන්නෙ.
- ඊට පස්සෙ අවන් එකේ දාන්න පුළුවන් ට්‍රේ එකක් අරගෙන ඇතුල් පැත්තෙ බටර් ටිකක් ගාලා පැත්තකින් අරන් තියාගන්න.
- දැන් පොඩි භාජනයක් අරගෙන ඒකට නිවිති ටික දාලා නිවිති වැහෙන තරමට වගේ එන්න වතුර ටිකකුත් දාලා මේ නිවිති ටික මද ගින්නේ තම්බගන්න ඕනෙ. මේකට විනාඩි 3ක් විතර යනවා.
- නිවිති ටික තැම්බුනාම කොළ ටික ටිකක් මැලවෙච්ච ගතියක් එනවා. ඒ ගානට ආවහම ලිපෙන් බාගන්න.
- ලිපෙන් බා ගත්ත නිවිති ටිකේ වතුර පෙරාගන්නත් අමතක කරන්න එපා.
- ඊටපස්සෙ ටිකක් ලොකු භාජනයක් අරගෙන ඒකට පිටියි බේකින් පවුඩරුයි ලුණුයි දාලා කලවම් කරගන්න.
- ඒ ටික එහෙම කලවම් වුනාට පස්සෙ බිත්තරයි කිරියි බටරුයි ඒකට එකතු කරලා ආයෙත් කලවම්කරගන්න ඕනෙ. මේකට ස්පැටුලා එකක්(පැතලි හැන්දක්) පාවිච්චි කරන්න පුළුවන්.
- ඊළගට කරන්න තියෙන්නෙ අපි කලින් තම්බගත්ත නිවිති ටිකයි චීසුයි ළුණුයිත් මේ මිශ්‍රණයට දාලා කලවම් කරගන්න එක.
- ඊටපස්සෙ මේ නිවිති මිශ්‍රණය අපි කලින් බටර් ගාලා සූදානම් කරගත්ත ට්‍රේ එකට දාගන්න. දාලා එක ගානට තුනී කරගන්න නිවිති මිශ්‍රණය.
- අන්තිමටම ඒක රත්වෙන්න දාලා තියෙන අවන් එකට දාලා විනාඩි 30-35ක් විතර බේක් වෙන්න තියන්න. එච්චරයි! වැඩේ ඉවරයි. ඔන්න අපේ රසම රස "ස්පිනැශ් බ්‍රව්නීස්" ටික හදලා ඉවරයි. බේක් වුනාට පස්සෙ කෑලි කපලා සංග්‍රහ කරන්න පුලුවන්.
වැදගත්:
- චෙඩාර් චීස් ඔයාලට සුපර් මාර්කට් වලින් ගන්න පුළුවන්.
හදලා බලන්නකෝ එහෙනම් ඔයාලත්..
මේ ලිපිය අපි සිංහලට කරපු පරිවර්තනයක්. මුල් ලිපිය ලබාගත්තේ allrecipes.com වෙබ් අඩවියෙන්.
